Gobernador Eugenio Jose Lacson ang maga suporta kay Sen. Tito Sotto sa pagka bise presidente.
Ini kasunod sang desisyon sang Nationalist People’s Coalition nga iduso ang kandidatura ni sotto nga chairperson sang partido.
Suno kay Lacson ini ang ginkasugtan sang nagligad nga pagsinapol sang NPC, kun sa diin sya ang katapo.
Sang Biyernes, sang nag patigayon sang campaign rally sa Bacolod ang Leni-Kiko nga grupo, nga gintambungan man sang gobernador, personal nga nasugilanon ni Lacson, si Sen. Francis Pangilinan bahin sa amo nga desisyon kag nahangpan man ini sang senador bisan pa sang iya asawa nga si Sharon Cuneta.
Ginsiling man ni Cuneta suno kay Lacson nga daw kasubong nga amay si Sotto sa iya. Nasiling na ni Lacson sa nag liligad nga siya ang magahulat sang mangin desisyon sang NPC.
Iga pahanumdom man ni Lacson, sa iban pa gid nga kaupod niya sa NPC sa probinsya ang amo nga desisyon sang partido.
Damlag pa, may mga alkalde sa nagkalain lain nga banwa kag siudad sa Negros Occidental nga nag-upod sa pagsapol nanday presidental candidate Ferdinand Marcos Jr., kag Mayor Sara Duterte kun sa diin sila ang nag pabutyag sang suporta sa tandem.
Suno kay BBM-Sara provincial spokesperson, anay mayor, Sonny Coscolluela, kun may konplikto man ang amo nga development yara na ini sa mga natungdan nga alkalde.