Pag-lift sang state of public health emergency bangud sang Covid ang mangin maayo sa ekonomiya labi na sa turismo.
Ini suno kay Gobernador Eugenio Jose Lacson nga apesar sang amo nga deklarasyon naga pahanumdom sa gihapon sa publiko nga yara pa naga pabilin ang Covid-19.
Sang Sabado gindeklarar ni Presidente Ferdinand Marcos Jr., ang pag lift sang nationwide declaration sang State of Public Health Emergency bangud sang Covid 19.
Nagakasayuran nga ang tanan nga damlag pa nga mga order, memorandum kag issuances nga effective sadtong yara pa ang State of Public Health Emergency ang na withdraw na, na revoke ukon na cancel.
Suno kay Governor Lacson, wala na kinahanglan pa nga mag issue siya sang Executive Order para diri.
Bentaha ini sa ekonomiya, labi na tourism. Nadula naman ang restrictions pero para kay Lacson, kun yara sa gihapon sa mga magutok lugar, ehemplo sa public transportation, bisan pa sa mga nagatambong sa misa, mas maayo nga mapangapinan ang kaugalingon paagi sa pag gamit sa gihapon sang face mask.