Commission on Elections ang naga paabot kun ano ang masunod nga mangin tikang pagkatapos sang paglagda ni Presidente Ferdinand Marcos Jr sang pag postpone sang Barangay kag SK Elections.
Samtang Governor Eugenio Jose Lacson ang pabor sa pag tugot sa mga barangay officials karon, nga makapangalagad sang isa pa gid ka tuig.
Wala naapektuhan ang naga padayon nga voter registration sa announcement nga gina paabot ang pag lagda ni Presidente Marcos sang laye nga naga postpone sang BSKE.
Ini suno kay COMELEC Regional Director, Atty Lionel Marco Castillano nga nagsiling nga madamo sa gihapon ang naga pila para mag pa rehistro.
Sa Negros Occidental sa ikatlo nga adlaw sang voter registration may 5,899 ang nagpila sa COMELEC para sa nagkalain-lain nga transaction.
Suno kay Castillano, gina paabot man ang pag lagda sang Presidente sa August 12, pero gina bantayan man nila kun bala may maga kwestion sang amo nga tikang sa Korte Suprema kag kun ano man ang mangin desisyon sang Korte Suprema diri kaangay na lamang sang papapanaog sang temporary restraining order.
Pero, kun mangin sulhay kag tayuyon ang tanan suno kay Castillano, gina lantaw nila nga maga padayon na lamang ang voter registration tubtob sa July sa masunod nga tuig.
“Isa pa sa binabantayan ng Komisyon is pag may nag file sa Supreme Court ng petition questioning the constitutionality of the law, pag hindi nag issue ang Supreme Court ng TRO tungkol diyan, tuloy na namin ang registration. Kasi ang unang plano namin kung talagang ma postpone na ang election for next year hanggang July naman itong pag rehistro”, suno kay Castillano.
Samtang, para kay Governor Lacson, pabor siya sang postponement sang BSKE para man makapangalad sang tatlo man ka tuig ang bag-o mga napili nga barangay kag SK Officials.
