Governor Eugenio Jose Lacson ang magapadulong sa Indonesia sa madason nga semana bilang resource speaker sa World Water Forum.
Suno kay Provincial Administrator Rayfrando Diaz, sa Mayo 20 maga padulong sa Bali, Indonesia si Lacson kag magabalik sa probinsya sa Mayo 23. Gin-imbitar sang US AID si Lacson bilang isa sa mga resource speaker sa World Water Forum nga paga tambungan sang iban nga pungsod. Maga hambal si Lacson angut sa governance initiative angut sa water resource utilization planning lakip na diri ang bulk water project.