Pag tugot sa pag issue sang special permit para sa commercial clearing sa Ibid Creek sa BiaknaBato sa La Castellana ang ginhinyo.
Suno kay Negros Occidental Governor Eugenio Jose Lacson kun mag salig lamang sa equipment sang probinsya kag sang banwa sang La Castellana sa pag clear sang lahar residue sa Ibid Creek sa Sitio Tamburong sa BiaknaBato sa La Castellana mangin madugay ang trabaho.
Iya gin siling nga may mga commercial contractors nga interesado sa materials nga makuha gikan sa nag bara nga water ways sang La Castellana.
Gani kun matugutan ini, mas mangin madasig ang clearing nga gina patigayon.
Pero klaro sang gobernador, ila pa hinyuon ang Department of Environment and Natural Resources kun bala matugutan siya sa pag issue sang amo nga special permit.
Dugang pa niya kun matigayon, ang mga commercial contractors ang dapat maga bayad sa probinsya.
Daw kasubong ini sa quarry operation ugaling ang specific nga material amo ang lahar sediments nga nagbara sa waterways.