Luyag ni Negros Occidental Governor Eugenio Jose Lacson nga mag tutok sa mga naga padayon niya nga proyekto kag trabaho karon nga nabaton niya ang mandato para sa iya ikatlo kag final term.
Gani naga pangabay siya sa katapo sang media nga ipaiway na anay ang mga pamangkot angut sa pulitika para sa 2028.
Ini kasunod sang pag pamangkot man sa iya angut sa naga float na nga mga ngalan para sa 2028.
\Luyag niya nga hatagan sang lubos nga atensyon ang mga proyekto nga ipatuman kag ipadayon. Nagapabilin nga priority suno kay Lacson ang 1.2 billion pesos nga bulk water project sang Negros Occidental labi na nga gina lauman ini nga magasabat sa kakulang sang supply sang matinlo kag potable nga tubig.
Nalakip man diri ang padayon nga improvement sa Mambukal.