Iga extend sang gobyerno sa 30 diyas ang gina patuman subong nga duha ka bulan nga rice import ban.
Tuyo sini nga mabuligan ang mga rice farmers sa tunga sang pag sarurot sang farmgate price sang palay.
Ini ang gin announce sang Department of Agriculture ukon DA sang Lunes.
Ginsiling ni DA Secretary Francisco Tiu Laurel Jr. ang desisyon ang gin aprobahan ni President Ferdinand R. Marcos Jr., para ma suportahan ang mga mangunguma sa tion sang peak sang harvest season.
Suno kay Laurel ang ban mahimo mapatuman tubtob sa katapusan sang sini nga tuig depende sa market condition.
Damlag pa pila sa mga grupo sang mangunguma sa Negros ang nag pautwas man sang kabalaka sa ila nga sitwasyon bangud halos indi man sila makabawi sa ila nga gin gasto.
Suno kay Governor Lacson kasubong ang kahimtangan sa mga mangunguma sa bilog nga pungsod kag suno sa iya kinahanglan sang gobyerno national nga magbuhat sang tikang para diri.
Sa national news ang buying price sang palay ang nag sarurot tubtob sa P8 kada kilo.
Damlag pa nag dangat na ini sa P14 kada kilo sa pila ka mga area.
Sa Negros Occidental sa pagsugod sang ani may mga P12 tubtob 13 pesos ang kilo sang baklanay sang palay.
Suno kay Tiu Laurel may mga report nga ang baklanay sang palay sa pila ka area sa pungsod ang yara sa P6/kilo sa tunga sang pag panghangkat karon sa mga mangunguma sa pag dry sang ila nga palay sa tunga sang mabunok nga pag inulan.