Para kay Negros Occidental Governor Eugenio Jose Lacson yara na karon sa Kongreso ang mag obra sang bahin sini, samtang, Abang Lingkod Partylist Representative Manuel Frederick Ko accountability ang gina panawagan.
Ini sa tunga karon sang naga padayon nga pag pangusisa sa isyu sa flood control projects kag panawagan kontra korapsyon.
Sa gin patigayon nga rally kahapon suno kay Lacson klaro ang mensahe sang mga Pilipino – sila ang naga pamatok sa korapsyon.
Suno sa gobernador ang ginhalinan ang mga insertion sa 2025 budget nga nag padulong sa ghost projects.
Suno kay Lacson ang mga may kahilabtanan diri dapat nga magapanabat.
Suno kay Ko, karon nga may pag pangusisa na ang Independent Commission for Infrastructure hulaton nila ang mangin resulta sini.
Sa bahin niya, indi siya luyag nga ang pondo para sa tanan nga flood control projects ang kakason bangud may mga lugar gid man suno sa iya nga kinahanglanon ang ini nga mga proyekto.
Ehemplo na diri ang Victorias City suno sa iya bisan pa ang Navotas.
Sa pihak nga bahin gin paathag ni Governor Lacson nga iya gin pakamaayo nga ipasira ang Provincial Capitol Lagoon sang Domingo.
Ini agudto wala na sang may matabo pa nga indi pag intindihanay.
Paathag niya gina dumilian sa ordinansa ang ano man nga political ukon religious rally sa lagoon.
