Governor Eugenio Jose Lacson nagapati nga indi mangin madinalag-on ang impeachment complaint nga gin-file batuk kay Presidente Ferdinand Marcos, Jr.
Sang Lunes, gindeklarar sang House of Representatives panel nga nagasugod sang impeachment proceedings, nga ang duha ka mga impeachment complaint nga gin-file batuk kay Presidente Marcos ang “sufficient in form”.
Ang house committee on justice ang sunod nga maga pat-od sang substance sang reklamo sa hearing subong nga adlaw.
Para kay Governor Lacson ang impeachment kabahin sang democratic process kag gina tugyan niya na ini sa kongreso.
Pero kay ang impeachment political in nature, suno kay Lacson basi indi man tigayon nga makakuha sang numbers ukon sang kadamuon para makapatuman sang isa ka madinalag-on nga impeachment.
“I don’t think so. Just remember impeachment is a number game. They may not have the numbers to launch a successful impeachment case”, sino kay Lacson.
Bahin sa ekonomiya, naga pati si Lacson nga ang mga investors local man ukon foreign mahimo nga mag panilag anay kag mag assess sang sitwasyon antes nga mag padayon sa ila nga tuyo nga investment sa pungsod.
Ang reklamo batuk kay PBBM ang gin-file nanday Atty Andre de Jesus kag sang Makabayan coalition.*
[sibwp_form id=1]