Gobernador sang Negros Occidental ang naga panawagan sa national government nga mag patuman sang tikang angut sa pagsaka sa importation sang sugar sweeteners.
Luyag ni Governor Eugenio Jose Lacson nga magpatuman ang national government kag naga kaigo nga ahensya sang gobyerno sang review sa import volume kag mga policies angut sa artificial sweeteners.
Base sa available nga import data may yara sang tayuyon nga pag saka sa unregulated nga artificial sweeteners nga naga sulod sa pungsod. Sang 2021 yara ini sa 355,196 metric tons, sang 2025 yara na ini sa 427,523 metric tons. Ini nga bagay ang naga apekto sa demand sa locally produced sugar.
Nagapanawagan man ang gobernador sang pagpasiguro nga may yara sang proper classification. Indi lamang ang bahin sa ekomiya ang ginalantaw nga ma apektuhan sang artificial sweeteners kundi pati na ang ikaayong lawas.
Kaangay na lamang sang sucralose nga 600 times nga mas tam-is sang sa natural sugar. Nagakaangay lamang nga mapahibalo ang mga konsumedor paagi sa accurate labeling.
Panawagan man sang gobernador ang pag pabakod sang coordination sa mga economic kag health agencies.
Sang Biyernes lamang nag patuman sang public consultation ang Senate and House Comm ittees on Agriculture para ma talakay ang pagsarurot sang presyo sang kalamay. Wala labot sang importation isa man sa gina tudlo ang pagsaka sa demand sa pag gamit sang artificial sweeteners.*