Gina lauman nga ang natabo nga pag patay kay anay Governor Roel Degamo ang mangin pamaagi man nga matutukan ang iban pa gid nga killings nga nagluntad indi lamang sa Negros Oriental kundi sa iban pa gid nga bahin sang pungsod.
Suno kay Governor Eugenio Jose Lacson, ini ang natabo na sa Negros Oriental kun sa diin ang iban nga mga pagpamatay nga unsolved ukon nagluntad sang nagliligad pa nga tinuig ang nahatagan sang atensyon kag nag idog.
Nalakip na diri ang 2019 killings kun sa diin napasakaan sang murder complaint si Congressman Arnolfo Teves, Jr. Suno kay Lacson naga laum siya nga indi lamang sa Negros Oriental kundi sa iban man nga bahin sang pungsod lakip na ang mga unsolved killings sa Negros Occidental ang matutukan man kag maga angkon sang kalubaran.
“Any killings before that have no solutions should be given attention and justice should be given or served to the families that the deceased left behind. If the killing of Governor Degamo will lead to that, you can say his death was not in vain”, suno kay Lacson.