Tuman pa ka temprano para sa istoryahan ang pulitika pero gina pasalamatan ni Governor Eugenio Jose Lacson ang padayon nga suporta nga ginahatag sa iya ni Bacolod Mayor Albee Benitez kag ni Cadiz City Mayor Salvador Escalante sang UNegA.
Suno kay Lacson, labing nagkuha siya sang inspirasyon sa pahayag ni Escalante, nga Secretary General sang United Negros Alliance nga bilang katapo sang UNegA wala sila na alienate sa bulig gikan sa probinsya nga gina pamunuan ni Lacson nga isa ka non-UnegA Governor.
Ang pahayag ni Escalante nag gwa matapos may istorya nga nag gwa nga may iga field nga kandidato batuk kay Lacson sa masunod nga eleksyon.
Ginhimutig naman ni Mayor Albee ang balita nga may plano ang iya anak nga si Victorias City Mayor Javi Benitez nga presidente sang Association of Chief Executives nga mag bunggo kay Lacson sa 2025.
Suno kay Lacson naga pabilin ang coalition sang UNEgA kag Love Negros kag sa pag hatag sang suporta sa mga LGU wala siya sang pinilian.
“Especially what Mayor Bading said that UnegA does not feel that they have been alienated or set aside. It speaks well. I think that’s where I am taking my inspiration now”, suno kay Lacson.
Yara naman sa UNeGa ang desisyon sa pag field sang mangin vice governor sini sa madason nga piniliay suno kay Lacson. Ini kasunod man sang naga gwa nga istorya nga si Escalante ang gina plano iga field para sa pagka bise gobernador.