Negros Occidental Governor Eugenio Jose Lacson ang naga abiso sa mga hog farmers nga sundon ang guidelines sang probinsya bahin sa sentineling ukon ang panugod para liwat nga maka re-populate.
Sini lamang gin-release na sang probinsya ang biosecurity guidelines kag ang Provincial Veterinary Office ang naga pamuno sa pag patuman sini.
Sa karon suno sa gobernador yara pa sa gihapon sa preparation stage ang Negros Occidental. Nagakasayuran nga naga sige pa ang cleansing ukon disinfecting.
Pagkatapos sini amo ang sentinelling, ukon may gina sagod nga isa ka baboy nga iga monitor kun bala ini ang sarang na nga mabuhi kag ma hilway sa masakit.
Pero suno kay Lacson may impormasyon sila nga nabaton nga ang iban naga sugod na sa pag sagod.
Kuntani suno sa iya ang mga hog farmers ang maga sunod sa guidelines agudto dululungan kag mapasiguro nga tayuyon na nga hilway ang mga baboy sa masakit ukon kamatayon.
“Somebody informed me, in their area kuno may ara na nagbuhi, successful. But that’s on their own. In fact we are discouraging that. Let’s all the same process”, suno kay Lacson.
Mahimo nga sa masunod na nga tuig pagasugdan ang re-population suno kay Lacson.