Duha ka semana nga travel moratorium sa tanan nga land, sea kag air travel padulong sa Negros Occidental ang ginhinyo ni Negros Occidental Governor Eugenio Jose Lacson sa National Inter Agency Task Force for the Management of Emerging Infectious Diseases.
Ini sa tunga sang pagsaka sang kadamuon sang kaso sang COVID-19 sa probinsya.
Sa sulat ginsiling ni Lacson nga kinahanglanon ipatuman ang tikang para mapangapinan ang mga pumuluyo ilakip na ang lokal nga ekonomiya kasubong man ang palaabuton sang probinsya.
Suno kay Lacson luyag niya nga malikawan ang pagsaka pa gid sang kaso sang COVID-19 nga ginadala sang locally stranded invidividuals, mga authorized persons outside residence kag returning overseas Filipinos.
Kun indi siya maghimo sang tikang suno kay lason madula ang mga nangin kadalag an sang probinsya sa away konta COVID-19.
As of press time ginsiling sang gobernador nga wala pa man sang may nabaton nga sabat ang probinsya sa ginhinyo sini.
Damlag pa ginpatuman naman sang probinsya ang uniform travel protocol base sa Resolution 101 sang national IATF.
Suno sa gobernador ang pagpatuman sang uniform travel protocol ang nag resulta sang pagsaka sang kaso sang COVID-19 sa pila ka mga lgu kaangay sang Victorias, Manapla, Cadiz, Sagay, Escalante, Calatrava, San Carlos kag Sipalay.
As of March 21, 264 ang active cases sang Negros
Occidental.