Gobernador Eugenio Jose Lacson ang may napilian na nga presidential aspirant. Pero indi niya luyag nga ihambal kun sin-o ini.
Tigaylo maga tutok siya sa iya nga kampanya.
Damlag pa ginsiling ni Lacson nga maga hulat siya sang mangin desisyon sang iya nga partido.
Katapo si Lacson sang Nationalist People’s Coalition.
Gusto man kuntani sang Love Negros kun sa diin katapo si Lacson kag United Negros Alliance nga mag lab-ot sa desisyon nga may isa lamang ka kandidato nga itib-ong para sa 2022 nga piniliay, pero nangin mabudlay ini labi na nga may mga luyag man nga suportahan ang tagsa ka katapo sang partido.
Samtang, naga pati si Lacson nga unconstitutional ang pag duso sang term extension para sa presidente kag iban pa gid nga position magluwas na lamang kun ligwaton ang nasaad sa constitution.
May hagna nga nagaduso sang pag convene sang constituent assembly para mahatagan talupangod ang amendment kag maduso ang term extension.
Nagapati man si Lacson nga wala man sang panawagan para sa term extension kag handa naman gani ang presidente nga mag retiro.