Governor Eugenio Jose Lacson ang ginapaabot nga maga tambong sa miting de avance sang iya nga mga kaalyado sa pila ka mga banwa kag siudad sa first district, mismo sa third district kag fourth district.
Ginsiling ni Negros Occidental Governor Eugenio Jose Lacson nga siya ang gin-agda sa pag tambong sa miting de avance sang mga kaalayado sa San Carlos City, Calatrava kag Toboso.
Wala sang miting de avance sa Escalante City.
Kaupod niya sa sining mga lugar sa pag pangampanya suno sa iya si Congressional Candidate Jules Ledesma.
Gin agda man siya sa Bago City para sa 4th District Campaign kag sa Victorias City para sa third District Campaign.
“(atenan mo na tanan?) yes. I have committed”, suno kay Lacson.
Wala siya sang may nabaton nga tawag gikan sa Fifth kag Sixth District.
Suno kay Lacson mahimo nga ang First kag Second District indi na kinahanglan pa sang pagtipon para sa kabilugan nga distrito.
Unopposed si second District Congressman Alfredo Maranon, III, nga naga papili sa iya nga second term.
Sa karon wala sang may gin report election related incidents sa probinsya kag naga laum siya nga maga padayon ang kasubong nga sitwasyon tubtob matigayon ang eleksyon.