Gobernador Eugenio Jose Lacson ang maga tambong sa campaign rally sang grupo ni Vice President Leni Robredo sa San Carlos City kag Bacolod City sa Marso 11.
Suno sa gobernador may natalana nga campaign rally si Robredo sa nag ka lain-lain nga mga lugar sa probinsya sa amo nga adlaw kag sa San Carlos City nga iya hometown kag sa Bacolod City nga campaign rally lamang siya maga-upod.
Suno kay Lacson siya ang na imbitahan lamang kag indi siya kabahin sa mga naga orgranize. Si Sagay City Mayor Alfredo Maranon, III ang maga upod man sa campaign rally sa Sagay suno kay Lacson kag lipod na sa iya nga ihibalo kun may iban man nga alkalde nga maga upod pa.
May naka schedule man sa pila ka mga lugar sa southern Negros.
Damlag pa ginpasalamatan ni Robredo si Lacson sang suporta nga iya ginhatag sa iya. Sa pihak nga bahin, naghinyo sang road closure sa dalan Hernaez-Lacson ang mga organizer sang campaign rally ni Robredo.
Ginsugdan naman nila ang pagpanghanda sa Paglaum Stadium kun sa diin pagahiwaton ang grand rally sa gab-i sang Marso 11.