Maga pakig-angut si Negros Occidental Governor Eugenio Jose Lacson kay Negros Oriental Governor
Carlo Jorge Joan “Guido” Reyes angut sa Negros Island Region.
Suno kay Lacson, karon nga bag-o lamang nagpungko si Reyes matapos magtal-os sa nagtaliwan nga si Governor Roel Degamo, siya ang naga tinguha nga maka pakig-angut sa Office of the Governor sang Negros Oriental, labi na nga bag-o man ang mga staff.
Mahimo suno kay Lacson nga siya ang maga sugilanon kay Reyes paagi sa telepono. Damlag pa, nag pakig-angut si Lacson kay Degamo sa tinutuyo man nga matalakay ang NIR labi na nga naga pamatuk si Degamo sa amo nga tikang.
Sa bahin ni Lacson, naga laum siya nga mahatagan sang atensyon ang mga concerns sang anay gobernador kag mahaylo ini para sa NIR. Damlag pa ginsiling ni Senador Joseph Victor Ejercito, Senate Committee on Local Government Chair, nga isa ka hearing sa ila nga bahin ang natalana.
Nahuman na ang una nga committee hearing pero kay may opposition sadto gikan kay Degamo suno kay Ejercito iya gin pakamaayo nga i-delay ang masunod nga hearing agudto ang duha ka mga provincial governor ang makahilisugot. Suno kay Ejercito iya gina respeto ang position sang Negros Oriental.