Gobernador Eugenio Jose Lacson ang natalana nga mag deliver sang iya nga State of the Province Address sa madason nga semana.
Ang nangin response ukon mga ginpatuman sang probinsya kontra Covid-19 ang isa sa mga ginapaabot nga kaundan sang SOPA sang gobernador.
Sa karon tayuyon ang pagnubo sang active cases sang Negros Occidental nga nanaog na sa 719 as of August 17.
May Lambda variant man nga na detect sa Negros Occidental, pero ang natungdan nga 35 anyos nga iloy ang nag negatibo na sa virus.
Negatibo man sa Covid–19 ang iya nga lapsag kag mga close contact. Suno sa gobernador, wala man sang patimaan sa karon nga naglapta ang virus sa lugar.
Kabahin man sa highlights sang sopa sang gobernador ang mga laba-ot sang iban nga departamento.
Virtual nga patigayunon ang SOPA.
“The address to Covid will be part of the State of the Province Address. But of course we will also recognize all other departments’ performance in line with the Abanse Negrense,” suno kay Lacson.