Negros Occidental Governor Eugenio Jose Lacson ang nagpabutyag sang suporta kay Mayor Albee Benitez sa tunga sang akusasyon nga ginhaboy ni Congressman Arnolfo Teves, Jr batuk sa alkalde.
Suno kay Lacson nga kaupod ni Benitez sa Love Negros, naga pati sila sang iya na kaupod sa Love Negros sa integrity ni Mayor Albee.
Dugang pa ni Lacson, naga pati sila sa ginhambal ni Benitez nga indi ini magalapas sa laye. Sila upod sa iya nga mga kapartido, bisan pa gani ang gikan sa United Negros Alliance kun sa diin may alliance ang Love Negros, sa pag pati ni Lacson, ang naga suporta man sa alkalde.
“As leader of Love Negros we fully support, Mayor Albee Benitez. We believe in his integrity and we totally believe him when he said he will never break the law. The Love Negros members, and I also believe the UNegA members are in total support of Mayor Albee Benitez”, suno kay Lacson.
Sa isa ka video nga nag circulate sa social media gina hangkat ni Teves ang mataas nga liderato nga dapat dal-on man si Benitez sang administrasyon sa terror list group kasunod nga siya kag ang iya nga himata ang gindala sa amo nga listahan.
Sang Lunes sa isa ka press conference ginsiling ni Mayor Benitez nga indi siya maga lapas sa laye kag itugyan niya ang gina alegar ni Teves angut sa pila ka mga business dealings sa iya sa otoridad.