Gobernador Eugenio Jose Lacson ang naga pahanumdom sa mga kandidato nga magpatuman sang high level campaign karon nga maga sugod na ang local campaign.
Bwas na maga sugod ang 45 days local campaign. Suno sa gobernador likawan na sang mga kandidato ang negative campaigning.
Wala labot sini, pagppanghangkat man sa mga kandidato suno sa iya nga magpatuman sang isa ka malinong kag matawhay nga kampanya kag eleksyon. Suno kay Lacson wala dapat sang kalakasan.
May 18 ka mga banwa kag siudad sa negros occidental nga nalakip sa watchlist areas sang Comelec. Mahimo nga may pag bag-o pa sa listahan sa pagsugod sang kampanya suno sa Comelec.
Ginsiling man ni Lacson nga makapagusto sa kampanya ang kada kandidato, pero mas labing importante nga mabaton sang tagsa – tagsa ang ano man nga mangin resulta sang mayo nga piniliay.
Sa pagbukas sang local campaign, ang gobernador ang maga upod sa aga sa misa nga sakdagon ni Silay Mayor Mark Golez kag sang iya partido kag sa hapon naman sa Escalante City upod kay Mayor Melecio Yap.