Kumpiansa si Governor Eugenio Jose Lacson nga lubos nga maga suporta ang mga local government units para sa ila nga delegation sa Panaad sa Negros Festival nga maga bukas na sa Lunes.
Sa tunga sang gina atubang karon nga pag panghangkat sa presyo sang produkto petrolyo, mahimo suno kay Lacson nga may yara sang mga maga paiway na lamang sa pag padulong sa Panaad kag ini ang iya nga nahangpan.
Sa gihapon, ang 30th Panaad sa Negros Festival suno sa gobernador ang naga tuyo mag hatag sang kasadyahan sa mga pumuluyo.
May mga banwa man kag siudad nga nag pa simple sang ila nga selebrasyon sang kapistahan, sarang man sila nga mag upod na sa sinadya sa Panaad sa Negros.
Isa sa gina paabot na sang mga Negrense nga performers amo ang Sex Bomb.
Indi lamang ang presyo sang gatong ang gina pangatubang nga pag panghangkat, nalakip man diri ang sitwasyon sang bulkan Kanlaon.
Suno kay Lacson, naplastar naman kag handa na ang mga natungdan nga ahensya enkaso nga may volcanic activity.*
[sibwp_form id=1]