Gobernador Eugenio Jose Lacson ang magahulat sang desisyon sang National Inter-Agency Task Force bahin sa pagsulundan sa pag gamit sang face mask.
Suno kay Lacson, humalin pa man sadto, ang probinsya ang nagasunod sa mandato.
Sini lamang ginpahayag sang Cebu City Government nga ang voluntary face mask policy sini ang yara sa trial period tubtob sa December 2022. Automatic naman nga iga lift ini kun may yara sang pag timbuok sa COVID-19 infection sa siudad. Gin pahayag sang DOH sang nagligad nga semana, nga wala sila nakonsulta bahin sa amo nga lihok sa Cebu City.
Ginpahayag ni DOH OIC, Maria Rosario Vergeire nga may mataas nga risgo para sa infection sa isa ka lugar kun ang safeguard batuk sa Covid-19 indi plastado.
Personal nga panindugan ni Lacson nga kun mangin optional gid man ang pag gamit sang face mask siya sa gihapon ang maga gamit sini. Personal man nga panindugan ni Bacolod Mayor Albee Benitez nga karon nga may pagsaka sang Covid – 19 infection maga pabilin dapat ang pag gamit sang face mask.
Sa September 4 nga report sang Provincial Incident Management Team, 24 ang new cases sa Negros Occidental, 16 naman ang sa Bacolod sa report sang DOH 6.