Yara na sa tagsa ka banwa kag siudad lakip na sa mga kandidato sa mga lugar nga nalakip sa areas of concern nga mag pamatuod nga sarang sila makapatuman sang eleksyon nga malinong kag matawhay.
Ini suno kay Negros Occidental Governor Eugenio Jose Lacson karon nga pila na lang ka adlaw ang maga sugod na ang lokal nga kampanya.
18 ang mga LGU nga nalakip sa areas of concern sang Comelec.
“Well this is also a challenge on the LGU, especially those na identify as hotly contested. This is a challenge to prove to Comelec, to the authorities, that you can hold an election that is fairly peaceful and honest. Ara na na sa mga LGUs, ara na na sa mga kandidato to behave in a manner that will maintain peace and order”, suno kay Lacson.
Suno kay Lacson mangin exciting ang masunod nga 45 ka adlaw sang local campaign.
Mahimo nga maga split ukon maga sipak sila sang iya ka tandem nga si Vice Governor Jeffrey Ferrer agudto maka upod nila kag malikop sa kampanya ang ila nga mga kapartido sa nag kalain lain nga banwa kag siudad sang Negros Occidental.
Sa bahin ni Governor Lacson, sa Marso 25, ang panugod sang local campaign, siya ang gin imbita sa opening salvo ni Mayor Mark Golez sa Silay sa aga kag sa hapon naman sa Escalante City siya kaupod kay Mayor Melecio Yap.
Tuman man ang pagdaguso sa pagpatigayon sang kampanya kag indi masunod ang physical distancing kuntani indi gid pagkalipatan ang pag gamit sang face mask kag tigayon ma maintain ang very low risk status sang Negros Occidental suno kay Lacson.