Virtual meeting sa tunga nanday Governor Eugenio Jose Lacson kag Mayor Evelio Leonardia ang naka schedule sa Biernes.
Ang virtual meeting nga damlag pa ginhinyo ni Mayor Bing ang gina paabot magtalakay sang panawagan sang alkalde nga pag harmonize sang travel guidelines sang siudad sang Bacolod kag Negros Occidental.
Kasunod sang panawagan kag reklamo nga nabaton sang siudad sa mga maga pauli kag magapadulong sa Bacolod gikan Manila, angut sa kabudlayan bisan pa gasto sa pagkuha sang negative RT PCR test result bilang requirement, gina duso sang alkalde nga imbes nga pangayuan sang negative RT PCR test result ang mga natungdan, rapid antigen test na lamang.
Nag padala sang iya sabat si Governor Lacson kay Mayor Bing bahin diri subong nga adlaw. Biernes sang hapon naka schedule ang meeting kaupod man ang mga alkalde sang mga banwa kag siudad sang probinsya. Talakayon man ang request sang Bacolod nga maka access sa one hospital command system sang Negros Occidental.
Suno kay Lacson, damlag pa nag pa gwa na sang panindugan ang Provincial Incident Management Team kag nag recommend sa gobernador nga dapat ipabilin ang executive order nga naga hinyo sang negative RT PCR test result sa mga maga sulod sa Negros Occidental gikan sa alert level 3 areas, labi na sa sitwasyon karon nga padayon ang pagsaka sang Covid – 19 cases.
Ang Bacolod Silay Airport yara sa Silay nga sakop naman sang probinsya.
“There’s a suggestion sa virtual namon, i-include ang iban na mayors sa meeting. But, beforehand, we already have an idea kun ano ang gusto nila. And of course even before the letter was written by Mayor Bing, the Provincial IMT recommended they wanted to continue with the requirement of negative RT PCR on alert level 3 areas. But of course we are also taking into consideration the letter or the request of Mayor Bing”, suno kay Lacson.