Governor Eugenio Jose Lacson tigayon nga naka bisita kay Victorias Mayor Javier Miguel Benitez kag ini ang nangin positibo suno sa iya.
Indi na luyag pa ni Lacson nga ituad sa katapo sang media ang kaundan sang ila nga pagsapol ni Mayor Javi, pero ini ang nangin “reassuring” suno sa gobernador.
Ini sa tunga man sang pag-resign sang katapo sang Sangguninang Panlungsod sang Victorias gikan sa PDP Laban kasunod sang pahayag sang Provincial Council President sini nga si Atty Jesus Hinlo nga mahimo sila ang maga field kay anay Victorias Mayor Francis Frederick “Wantan” Palanca sa gubernatorial post sa 2025, kun kinahanglan.
Ang epekto sang amo nga manifesto suno kay Lacson kasubong sang ila nga pag pahayag nga sila ang naga suporta sang subong nga administrasyon.
Kaina nag bisita man sa iya si Victorias Councilor Derek Palanca nga anak ni anay Mayor Wantan kag isa man sa mga nag lagda sang manifesto.
Suno kay Lacson personal nga ginpabutyag sa iya ni Councilor Derek ang kaundan sang amo nga manifesto.
Naga laum si Lacson nga wala sang indi paghangpanay ukon away nga matabo sa pamilya bangud sang amo nga mga development, sa karon suno sa iya wala pa man maka manifest si Mayor Wantan nga siya ang maga papili sa 2025.