Sang Miyerkules nag post si anay Mayor Isidro Zayco sa iya nga page sang litrato nila ni Governor Eugenio Jose Lacson nga naga uyatay kag naka bayaw ang ila nga kamot.
May caption ini nga “Kami gali gihapon”.
Pero sa interview sang media kay Zayco kaina sang aga iya sa gihapon ginsiling nga hulaton na lamang sang tanan ang Oktubre – ang filing sang certificates of candidacy.
Madugay na ang huring-huring nga bungguon ni Zayco si Mayor Benjie Miranda sa 2025 elections pero tubtob sa karon wala ini gina kumpirma ukon ginahimutig ni Zayco.
Updanay si Zayco kag Lacson sa Love Negros kasubong man sa Nationalist People’s Coalition.
Suno kay Lacson tubtob man sa karon wala pa opisyal maka pahayag si Zayco sang iya nga 2025 plans.
Natalana pa sila nga magsapol sa Love Negros sa ila na line-up suno kay Lacson.
Samtang, sa kahapon man nga post ni Miranda nakasaad nga nag request siya sa Gobernador nga mag install sang power supply sa Panaad Park Booth kag ginsugpon niya siya ang masunod nga maga pa bayaw.
Sabat ni Lacson sa sitwasyon sa Kabankalan: They’re having fun in Kabankalan.