Sa tion nga mahuman na kag mangin operational na ang bag-o nga Provincial Administration Building sa Gatuslao Street sa Bacolod, magapabilin ang Governor’s Office kag Provincial Administrator’s Office sa daan nga building sang kapitolyo probinsyal.
Sa bulan sang Marso gina paabot nga mahuman na ang construction sang 7-storey nga new PAC building kag ang pag turn-over sini sa gobyerno probinsyal.
Pero, gin pabutyag ni Governor Eugenio Jose Lacson nga sa tion nga mangin operational na ini, luyag niya nga mag pabilin ang iya talatapan sa kun diin ini nahamtang sa karon.
Halos isa ka bilyon ka pesos ang balor sang amo nga proyekto nga ginsugdan ang construction sang Dynamic Builders and Construction Co. Inc sadtong 2022.
Gina paabot nga diri na magasaylo ang mga talatapan sa idalom sang gobyerno probinsyal. May gina tapos na lamang sa mga bentana kag handa naman ang mga furniture and fixture para diri nga nalakip naman sa pondo.
Sa pihak nga bahin ginsiling ni Lacson nga gina paabot nila sa gihapon nga ma develop ang katupad sini nga propiedad sang gobyerno probinsyal. Indi siya familiar sa terms and condition sa amo nga proyekto nga sadto pang tion sang Maranon Administration kag tubtob sa karon naga pabilin nga wala pa natandog.*
[sibwp_form id=1]