Nanumpa sang Sabado ang mga opisyales sang probinsya nga ginpangunanahan ni Governor Eugenio Jose Lacson kag Vice Governor Jose Benito Alonso.
Sa seremonya nga ginsakdag sa Provincial Capitol Lagoon, nag panumpa ang mga bag-o nga opisyales sang probinsya upod ang ila tagsa ka pamilya.
Apesar sang mabunok nga ulan kag makapila man magsaylo sang venue nangin masulhay ang pag patigayon sang programa.
Dinapit nga bisita si Senator Francis Pangilinan nga nag siling nga ang iya pagtambong sa inauguration sang gobernador pag pasalamat man sa suporta nga nahatag sa iya ni Lacson kag sang mga Negrense.
Personal man nga nag upod sa iya ang iya asawa nga si Megastar Sharon Cuneta nga nag kanta sang pila ka ambahanon para sa okasyon.
Sa mensahe ni Lacson, nga yara na karon sa iya third and final term, iya ginsiling nga gina re-affirm sini ang iya commitment indi lamang sa pag padayon kun ano ang nasugdan niya.
Kundi ang pag angkon pa gid sang mabakod nga pagtapos, lakip na ang pag institutionalize sang mga pag tin-ad kag mapasiguro nga mapadayon kun ano man ang kadalag-an sa masunod nga mga administrasyon.