Iglesia ni Cristo ang amat amat na nagpahibalo sa mga kandidato nga ila gina endorso.
Gobernador Eugenio Jose Lacson isa sa mga una nga nagbaton sang endorsement sang Iglesia ni Cristo para sa May 2022 elections.
Suno sa gobernador, Lunes siya nakabaton sang kumpirmasyon kag ini ang maga serbe nga inspirasyon sa iya sa pagpangalagad sang maayo pa gid.
Pila sa mga alkalde nga nag pa re-elect nga gin endorso man sang INC amo sanday Mayor Rex Jalando-on sang La Carlota City, Irene Montilla sang isabela kag mayoralty candidate Madonnah Jaojoco sang Toboso.
Suno kay Lacson sang sila ang naghinyo sang suporta sang INC sila ang ginhambalan nga personal sila nga pahibaluon sang suporta sang amo nga religious group.
Gina hinyo sang mga kandidato ang endorsement sang inc bangud sang gina deliver nga boto sini paagi sa bloc voting.
Ginapaabot ang announcement sang inc sa ila nga endorsement sa iban pa gid nga kandidato.
Samtang, panugyan naman ni governor lacson sa mga pumuluyo nga magboto gid sa Mayo 9. Naga laum siya nga mangin malinong kag tampad ang maabot nga piniliay.
Sa mga kandidato naman suno sa gobernador dapat nga batunon kun ano gid man ang mangin resulta sang eleksyon.