Gina abi-abi sang gobernador ang opposition sang Dumaguete Diocese sa Negros Island Region Bill.
Suno kay Governor Eugenio Jose Lacson, maayo man nga may impormasyon na nga available ang presidente gikan sa indi pabor nga partido para sa NIR, sa tion nga mag desisyon na ini. Naga salig si Lacson nga sa pihak sini, mangin paborable sa gihapon ang mangin desisyon sang presidente. Sang pag bisita ni Presidente Ferdinand Marcos, Jr., sa Bacolod sadtong Abril 8, ginsiling sini nga iya paga lagdaan ang Negros Island Region bill nga naga isa sang Negros Occidental, Oriental kag Siquijor. Dugang pa ni Lacson ang panindugan nga ma disebentaha ang Negros Oriental sa Negros Occidental kun mangin isa na ini, indi man matuod suno sa gobernador bangud pagahatagan sang Occidental ang mangin kinahanglanon sang Oriental kag amo man ang Oriental sa Occidental.