Nagdangat man sa atensyon sang gobernador ang kaso sang gina alegar pag panampa sang vice mayor sang banwa sang Murcia sa isa ka 15 anyos.
Nagakaigo lamang suno kay Governor Eugenio Jose Lacson nga mabatian ang magtimbang nga bahin. Kay tungod ang tagreklamo menor de edad suno kay Lacson napatuhoy naman ini sa nagakaigo nga talatpan.
Gin-alegar sang kinse anyos nga siya ang gintampa ni Vice Mayor Johnny Reosura matapos ginpatawag sila sang opisyal sa balay sang utod sini.
Nagdumdom ang menor de edad suno sa iya nga sila ang iga settle sang bise alkalde matapos nga nag-inaway sila sang hinablos sang opisyal. Ginhimutig sang bise alkalde ang pag panampa kag naga panindugan nga kuntani na settle na ang issue kun wala ginsakyan sang pulitika.
Si Board Member Andrew Montelibano nagsiling nga siya ang maga panindugan upod sa menor de edad matapos nga naghinyo ini suno sa iya sang iya na bulig.