Indi man pwede nga maka pili sang imo nga mangin political opponent gani bisan sin-o ang sarang nga mag padalagan.
Ini ang nangin reaksyon ni Governor Eugenio Jose Lacson sa tunga sang naga gwa nga istorya nga mahimo mag papili bilang third district congressman ukon bilang gobernador si anay Victorias City Mayor Francis Frederick Palanca.
“Anybody can run, whatever position.(You’re welcoming it?) yes. We cannot choose our opponents, everything is possible”, suno kay Lacson.
Suno kay Lacson dapat man nga mahangpan sang tanan nga ang 2024 political season na. Sa Oktubre maga file na sang tagsa nila ka certificates of candidacy ang mga maga papili. Gani kun may mga realignment man ukon pag reorganize sang mga partido ini ang gina paabot na.
Sa bahin ni Lacson iya gin siling nga siya ang maga padayon sang iya nga obra kag mismo ang pumuluyo na ang maga desisyon.
“We continue to work hard and then we will be judged by the people”, suno kay Lacson.
Damlag pa ginsiling ni Lacson nga tuyo niya magpapili sa 2025 para sa iya ikatlo nga termino.