Wala sang madinalag-on sa giyera.
Ini ang reaksyon ni Governor Eugenio Jose Lacson kasunod sang gin-report nga pagka utas sang kabuhi sang spokesperson sang regional command sang CPP-NPA.
Damlag pa may duha man ka soldado sang Philippine Army nga sanday Cpl Christian Drilon kag Cpl Rey Verde ang napatay angut sa sunod-sunod nga engkwentro sang duha ka magtimbang nga bahin sa Himamaylan City.
Sa ika lima nga engkwentro napatay ang Regional Spokesperson sang CPP-NPA nga si Romeo Nanta nga kilala man bilang Juanito Magbanua. Suno sa gobernador, pareho nga may nautas nga kabuhi sa duha ka grupo.
“You can lose people from the government side, you can also lose people from the other side, in this case the CPP-NPA. In war there are no winners. We’re hoping the situation in Himamaylan will settle down and that the residents can go back to their respective community”, suno kay Lacson.
Humalin pa man sadto, bukas ang gobyerno para sa rebeldeng NPA nga mag balik sa sabak sang gobyerno suno kay Lascon.
“We’ve already been extending that appeal for so long already. We have even given financial assistance to those that have returned to the fold of the government”, suno kay Lacson.
Kun ipaanggid sa mga natabo nga engkwentro sini lamang, wala gina lauman nga ini ang pinaka lawig nga tion nga na apektuhan ang mga pumuluyo sa isa ka lugar sa Negros bangud sang armed conflict.
Maga sumad na isa ka semana suno sa gobernador nga ang mga pumuluyo wala makabalik sa ila nga mga puluy-an. Naga laum si Lacson nga ang sitwasyon sa Himamaylan ang magakanay na agudto tigayon naman makabalik sa ila nga puluy-an ang masobra sa 18,000 ka mga pumuluyo nga apektado.