Ginahatagan sang probinsya sang higayon ang duha ka mga empleyado sang Office of the Provincial Agriculturist nga ginpasakaan sang kaso angut sa nadula nga abono nga depensahan nila ang ila kaugalingon.
Suno kay Governor Eugenio Jose Lacson, luyag niya nga ma usisa humalin sa pag deliver sang abono padulong sa pag baton kag pag release sini.
Sanday Herminigildo Basilio kag Joy Cardinal nga pareho Agriculturist 1, ang ginpasakaan sang reklamo nga grave misconduct, serious dishonesty kag malversation of public funds angut sa pagkadula sang 789 ka bag sang abono nga naga balor sang P2,367,000.
Sila ang persons-in-charge sang warehouse sa Bago City kag amo ang nag baton sang gin-deliver nga abono base sa imbestigasyon.
Suno kay Lacson ang ebidensya lamang ang ila nga mangin basehan kag kun indi man sila ang responsable kag kun may nagsugo sa sila nga bahin, dapat nga sila ang magahambal sini.
“We cannot force them. They have to say it. They have to admit it, that somebody told them to do it. But in the absence of that, based on hard evidence, it’s really the signature that appeared in the receiving form”, suno kay Lacson.
Nagapati man si Lacson nga ang issue sa abono mahimo isa man sa mga rason kun ngaa nag-resign si Edmundo Raul Causing bilang pamuno sang OPA.
May health issues na si Causing antes pa man nagpungko ini.
Ang command responsibility nga gina tawag isa ka moral issue kag nagapati si Lacson nga apektado man si Causing sa hitabo.
Samtang naga pangita sang pondo ang probinsya para sa fertilizer program sini.
Hatagan sang prayoridad ang apat ka mga LGU nga wala na tigayon naka withdraw sang ila nga share gikan sa abono sang Department of Agriculture bangud nga na missing na natungdan nga supply.