Padayon nga naga pangayo sang hustisya si Negros Oriental Governor Roel Degamo sa pag patay sa iya sini supporter nga si Juwim Estiñoso sang nag ligad nga semana sa Bayawan city.
Si Estiñoso nga sadto nag padalagan man konsehal sa siyudad ang gin palapitan kag gin tiro sang isa ka gunman sa atubang lang mismo sang eskwelahan.
Sa karon maga hatag na si Governor Degamo sang 500,000 pesos nga padya sa kun sin-o man ang makahatag impormasyon nga maga bulig sa pag aresto sang mga suspetsado sa likod sa pag patay kay Estiñoso.
Gin pahayag man ni Degamo nga siya ang nag request na sang dugang nga kapulisan nga mag patigayon sang checkpoint kasubong presensya sang army sa palibot agud mapabilin ang kalinong sa siyudad kag mapahagan hagan ang kriminalidad.