Tinagong Dagat liwat buksan sa trekkers antes mag Semana Santa.
Paandam sang PASU indi pagkalipatan ang pila ka mga pagsulundan sa pagkadto didto parehos sa pagdala sang basura pauli kag pagkuha sang permit para sa drone.
Humalin sa Pebrero 15 sini nga tuig temporaryo nga ginsira sa trekkers ang popular nga Tinagong Dagat sa sulod sang Northern Negros Natural Park ukon NNNP.
Suno kay Protected Area Superintendent Ma. Gina Consolacion Gerangaya ini para matagaan sang kahigayunan sila nga makapatigayon sang environmental impact monitoring and assessment.
Sa madason nga semana natalana ini nga himuon sang personnel sang NNNP kag pinaagi sini mahibaluan ang sitwasyon sang area.
Kada tuig ini nga ginahimo para maka pahuway man makadali ang area gikan sa mga trekkers. Ini abi ang isa sa mga masami nga ginasaka sang trekkers.
Ginapasalig ni Gerangaya nga antes mag Semana Sana liwat ini nga buksan sa publiko ilabi na nga kun summer popular ini nga destinasyon.
Pero liwat lang nga gina pahanumdum ni Gerangaya ang publiko nga indi pagkalipatan ang mga requirements sa pagkuha sang permit kay para man ini sa safety sang tanan.
Ginadumli-an na ang mga wet wipes kay wala ini nagakadunot. Gina regulate naman ang pag palupad sang drone sa area kag kinahanglan nga may permit.
Kag gina sulit sang PASU nga dal-on pauli ang basura kag indi pag ibilin sa Tinagong Dagat para padayon nga ma preserve ang katahum sang lugar.*
[sibwp_form id=1]