Tapasero nangin kampyon sa Negros Island Region painting competition.
Imbes mag sulod sa kolehiyo, construction site kag talamnan sang tubo ang ginsudlan sang 23 anyos nga si Arby Villaruz.
Kinahanglan sang 23 anyos sang Barangay Jerusalem sang Cadiz City nga mag trabaho para makabulig sa pamilya.
Si Arby ang nangin kampyon sa Negros Island Region painting competition sang 59th Charter Day Celebration sang Cadiz City.
Ang iya obra maestra naga pakita sang isa ka estudyante nga bata nga naga balikid sa ila nga balay nga iya gin tig-uluhan nga paglaum, bisan gamay lang siya bitbit niya ang handum nga dako pa sang sa iya landong.
Parehos kay Arby, nga padayon nga naga handum. Siya ang kamagulangan sa apat ka mag ulutod kag sang 2023 gid lamang naka diskubre sang iya abilidad sa painting.
Pila man ka mga kompetisyon ang iya na intrahan kag sini gid ang nangin kampyon kag nakuha ang cash prize nga P100,000.
Sa iya post ginsiling ni Arby nga sang una espading, guna, sadol, martilyo kag lagari ang iya gina bitbit pero subong, trophy na gani ini ang iya ginapasalamatan sa Makaako.
[sibwp_form id=1]