902 tanan ka mga atleta kag coaches nga magatiglawas sa siudad para sa labing nahauna nga Negros Island Region Athletic Association Meet ang gintipon antes mag compete sini nga hapon para sa isa ka send off ceremony.
Sila ang pagatawgon nga “Bacolod Azadores” nga ginalakipan sang 626 ka mga atleta kag 276 ka mga coaches.
Kadungan sa amo nga seremonya, ginpanagtag na sang siudad ang tig 10,500 pesos nga training allowances sang mga atleta kag coaches.
Ginkakibot nila sang mag-announce na si Mayor Greg Gasataya nga magahatag pa gid ang siudad sang dugang 2,000 pesos sa ila kon magsugod na ang kompetisyon sa Doomingo, Marso 1.
Napanagtag naman sa ila ang ila mga jerseys, sporting gears, kag mga sapatos. Tanan ini ginsabat na sang siudad.
Isa sa mga pambato sang siudad sa athletics, amo si Psalm Pampag, taga Romanito Maravilla National High School sa Barangay Estefania. Si Psalm ang nakakuha sang gold medals sa 100 kag 200 meter dash sa nagligad nga Batang Pinoy.
Ini ang pinaka-una nga send off ceremony sang siudad para sa isa ka sporting competition.
Tuyo sang siudad nga maka produce sang isa ka Olympian nga homegrown Bacolodnon amo nga suportado gid sang gobyerno ang kompetisyon.*
[sibwp_form id=1]