Pati pribado nga mga indibidwal nagabulig sa pag clear sa mga dalan para mapadasig ang pag balik sang kuryente kag malabyan liwat ang dalan
Gin share ni Martsl 19 adventure ang video sang pagpanghawan nila sang Team RU Foundry and Machine Shop Corporation sa dalanon kag eskwelahan sa Barangay Pacol kag Balingasag sa Bago City.
Bitbit and chainsaw ginhawanan ang mga puno nga nagkalatumba sa isa ka eskwelahan.
Ginbuligan nila nga mautod ang mga kahoy nga yara sa tunga sang dalan para malabyan na sang mga motorista ang dalan ilabi na ang mga salakyan sang gobyero kag pribado nga mga indibidwal nga luyag magdul-ong sang bulig.
Isa man sa mga rason kun ngaa nagakadugayan ang pagbalik sang supply sang kuryente sa mga lugar amo ang mga puno sang kahoy nga natumba gani ginbuligan nila utod ang mga puno.
Subong nga adlaw nagpdulong naman ang team sa Canlaon City para magbulig pa gid didto.
Indi lang ang RU ang naga paninghua makabulig, mga gikan sa pribado nga sector kag indibidwal ang naga pangita man pamaaagi makadul-ong pagkaon kag tubig pati na bayo sa apektado nga mga pamilya.*