Sa Good Vibes,
Popular nga lechon nga bisaya nga manok sa Bacolod, masobra sa lima na ka dekada nga gina balik balikan sang mga customer!
Hilig mo magkaon sang lechon manok? What if, bisaya nga lechon manok?
Mas saboroso kag tried and tested na ang sabor.
Diri sa barangay Punta Taytay sa Bacolod sa sini lang nga gamay nga baligyaan sa higad sang dalan makita ang popular nga bisaya nga lechon manok ni Nanay Letty.
1975 pa nagsugod ang iya nga pag negosyo kag may mga suki na siya sumugod sadto.
Nadumudman niya pa nga tag 12 pesos pa lang sadto ang lechon manok sang pag sugod niya.
Kun domingo, kun damo sang tawo sa baybay makapaubos siya sang 70 ka manok sa pila lang ka oras.
May naga order man sa iya sang lechon manok nga ginadala pa sa Metro Manila.
Tag 60 pa ka manok ang iya nga ginapadala didto.
Gina eroplano pa ini pakadto didto.
Sang una kada Domingo lang siya naga luto subong halos kada adlaw na kay kadamo sang naga order.
Pati national vloggers naga bisita na sa iya pwesto sa tabok lang sang Resorts Negrense.
Ang sekreto suno sa iya amo ang special nga sauce nga gina banyas niya sa manok kag ang manok humok, indi matig-a kay linghod pa ang gina paihaw niya.
Kalabanan naga order na nga daan in advance kay madasig maubos ang iya manok.
Wala labot sa manok may sisi man siya, baboy kag bangrus nga sinugba.
Gamay lang ang iya pwesto nga lamesa kun sa diin pwede ka maka pasabor kaon.
Masobra na siya sa 50 years naga negosyo kag naga padayon sa gihapon, patimaan nga nakasaho ang iya mga suki sang timpla sang iya nga manok.
[sibwp_form id=1]