Ginpatigayon Martes sang aga ang groundbreaking ceremony para sa construction sang Pineapple Processing Building sa Sitio Passing Truck. Sa post sang Barangay Minapasok ila ginsiling nga dako ini nga oportunidad para sa mga mangunguma para sa dugang nga income.
Ang duta nga patindugan sini ang gina panag-iyahan sang mag-asawa nga Richard kag Phoebe Baluarte kag ila ini nga gin donate.
Ginpasalamatan ni Mayor Marilyn Era ang pamilya sa paghatag sang lugar para sa proyekto.
Ang ini nga proyekto nangin possible sa pagbulig sang Department of Science and Technology pinaagi sa ila Community Empowerment thru Science and Technology Program.
Pinaagi sa sini nga processing building sarang ang mga mangunguma nga makahimo pa gid sang wine, langgaw kag juice.
Ang barangay ang naga laum nga pinaagi sa sini nga proyekto, mabuligan ang pag-uswag sang pangabuhi sang mga mangunguma.
Ang Calatrava ang isa sa mga may malapad nga talamanan sang mga pinya diri sa Negros.
[sibwp_form id=1]