Ang ika 47 nga MassKara Festival sa Bacolod City ang indi lamang para sa turista kag tumalan-aw kundi para man sa nagkalain-lain nga mga sektor kaangay sang mga Persons with Disabilities, artists, mga kababainhan kag pati na sa mga hinuptanan.
Hwebes sang aga, liwat nga ginpakigbahin sang Bacolod Gugma Foundation nga ila padayunon ang mga sectoral events nga ila na nasugudan sang tinalikdan nga MassKara.
Para sa mga pets, sa Oktubre 10 sa Robinsons Bacolod pagahiwaton ang ika duha nga tuig sang Petskara.
150 pesos ang registration apang ang una nga 100 registrants ang makabaton sang loot bags para sa mga ido kag kuring.
Ginsiling ni Joy Pigar, pamuno sang Petskara 2026, nga ang tanan nga mga registration fees ang igadonate man sa BACH Project, isa ka animal welfare group nga naga rescue sang mga stray dogs kag cats.
Samtang, magapadayon man ang PWD Got Talent Season 2 para sa mga persons with disability sa Oktubre 7 sa Ayala Malls Capitol Central.
Suno kay Mimai Arban, pamuno sang amo nga event, nga may 15 ka mga finalist ang magapa indis indis sang ila mga talents sa amo nga kompetisyon.
10,000 pesos ang padya para sa mangin kampyeon, samtang 8,000 naman sa 2nd place kag 5,000 sa 3rd place.
Iban pagid nga mga sectoral events para sa MassKara amo ang women's day sa Oktubre 10, kag kids day out sa Oktubre 11.
Isa pagid sa ginapaabot nga mga event amo ang on the spot MassKara Painting Competition sa Oktubre 3 kun sa diin 75 ka mga artist ang magapakigbahin.
[sibwp_form id=1]