Sa Good Vibes
Negrense violinist nga gikan sa Escalante City maga compete sa WCOPA 2026. Siya lang ang nag mato-mato tuon mag violin kag subong ma compete na siya sa international stage.
Si Lj Kevin Libunao sang Barangay Jonob-Jonob, Escalante City Negros Occidental ang naga isahanon nga pambato sang Pilipinas nga taga Negros para sa World Championship of Performing Arts ukon WCOPA sa Las Vegas sa bwas, July 14.
Sang July 6, ginpatigayon ang Blue Jacket Ceremony ukon ang send-off ceremony para sa mga tiglawas sang Pilipinas.
Na-cancel pa ang iya nga flight bangud sang bagyo kay ma lay over pa siya kuntani sa Taiwan pero wala sang makapugong kay LJ nga ipursige ang iya handum nga maka perform sa international stage.
Subong nga Lunes sang gab-i ang iya flight pa Las Vegas, ang venue sang competition. Masobra sa 100 ang nag audition sa WCOPA sa Negros kag si LJ na lang ang naga isahanon nga nabilin nga taga Negros nga maga compete.
Magastos man kuno abi kay personal ang gasto para maka compete.
2013, sang nag mato-mato lang siya tuon mag violin tubtob nangin isa sa mga in-demand nga violinist para sa wedding sa Negros. Nag audition siya sa WCOPA kag naga sulod halin sa provincial qualifiers tubtob sa national.
Naka upod pa si LJ sa series kag Philippine adaptation sang It’s okay not to be okay bilang violinist man.
Ginpursige niya nga maka compete para ma prove sa iya kaugalingon nga may sarang siya malab-ot pinaagi sa iya nga talent.
Ang WCOPA ang ginbansagan nga Official Talent Olympics. Gikan pa sa 70 ka mga pungsod ang naga pasakop diri.
[sibwp_form id=1]