Sa video sang Maritime Police Negros Occidental makita nga may isa ka police nga naka uniform pa nga naga tindog sa mismo ibabaw sang pader kag gina duhulan sang mga babaye sang mga kabataan.
Ang mga bata isa isa niya nga gina dawat kag gina duhol sa isa pa gid ka pulis nga naka uniform man.
Natabo ini sang kahapon sang hapon.
Ang kabataan ang ginatatap sa Missionaries of Charity Home of Joy sa Barangay Banago sa Bacolod.
Ang iban naman ang iya mismo gina kungkung panaog. Sa video makita ang isa pa gid ka pulis nga naga panabon sang sibin samtang gina duhol naman ang isa ka lapsag nga sakay pa sa stroller.
Indi lang kabataan ang ila ginabuligan, pati kababaihan ang gina tabangan man nila nga maka halin sa lugar.
Nagakatabo ini tanan samtang nagapuog ang aso sa palibot tuga sang grass fire malapit sa ila.
Wala labot sa mga pulis may mga kalalakihan man nga naga bulig pa gid sa ila.
Sadto anay may grassfire man nga nagluntad diri nga naka apekto man sa mga naga tinir sa Missionaries of Charity Home of Joy nga gina dumala sang mga madre.
Gani gindayaw sang netizens ang ginhimo sang mga pulis. Pati mga bombero ang nagdayaw man sa ila dako nga bulig samtang masako ang mga bombero sa pagpalong sa kalayo.
[sibwp_form id=1]