Ang mga kasag ginbakal sa banwa sang EB Magalona para mabuligan sila.
Bilang pagsaulog sang Civil Service Month sini nga bulan sang Setyembre, may libre nga blue swimming crabs halin sa banwa sang EB Magalona nga ginpanagtag ang banwa sang Toboso sa mga empleyado sang gobyerno.
Suno kay Mayor Richard Jaojoco, ang government employees nga nagbaton sang mga kasag naga lakip sang mga empleyado sang barangay pati na ang gikan sa national government agencies nga yara sa banwa.
Sa mga posts sang empleyado sa social media naga pasalamat sila sa nabaton nga kasag kag nabusog ang bilog nga pamilya.
Pero ang labing naga pasalamat amo si Mayor Matt Malacon sang EB Magalona bangud sa dako nga bulig nga ginhimo sang Toboso para mabuligan ang ila nga crab industry.
2,000 ka kilo sang kasag ang ginbakal sang LGU para sa mga empleyado sang gobyerno.
Pila ka mga salakyan ang kinahanglan para makarga ang mga kasag.
Humalin sang gin ban sang Estados Unidos ang blue crabs halin sa Pilipinas bangud sang pamaagi sa pagkuha sini, nangin apektado yara sa crab industry sang EB Magalona.
Sang nagligad nga bulan may Sabado Nights ukon ang eat-all-you-can nga kasag sa banwa para matib-ong liwat ang industriya.
Kag sa 2,000 ka kilo sang kasag nga ginbakal sang Toboso, dugang pa gid ini nga bulig sa crab industry sang banwa.
[sibwp_form id=1]