Sa mga maga biyahe padulong sa south sini nga weekend, may Sunset Beach Market sa Sipalay city. Timing man sa long weekend!
May matahum nga sunset, may white sand beach, may mga local products sang Sipalay City, may mga pagkaon kag may pa mini concert by the beach.
Amo sini ang sarang ma experience sa Sipalay Sunset Beach Market.
Ini ang pamaagi sang Touris Office sang kag sang LGU para maatagaan sang kahigayunan nga maka income ang mga magagmay nga negosyante kag maka enjoy ang mga kutob sa maga pinauli sa Sipalay para sa tigkalalag kag sa mga lapit lang diri.
Pagkatapos mag bisita sa minatay sa patyo, pwede maka relax kag mag bonding upod ang pamilya ukon barkada by the beach.
Maga sugod ini sa Huwebes, October 29 mismo sa Población Beach sang Sipalay kag maga padayon tubtob sa Lunes, November 2 nga isa man ka holiday.
Kada gab-i nagkalain-lain nga mga banda kag DJ ang magatukar. Kun adlaw may mga activities man nga gin preparer para sa mga bisita.
Gani kun mapa south kamo sa weekend para sa tigkalalag pwede maka dalikyat sa Sipalay para maka unwind antes magbalik na naman sa trabaho kag sa ekswelahan sa Martes.
[sibwp_form id=1]