Blessing sang Fortich Hall kasubong man ang launching sang duha ka mga libro nga naga patpat sang kabuhi kag legacy ni anay Bishop Antonio Y Fortich ang ginpatigayon kahapon.
Ini ang ginsaksihan sa Our Lady of Lourdes Parish sa Barangay Bata sa Bacolod City.
Ginsiling ni Fr Aniceto Mao Buenafe ang Parish Priest nga kahapon, Enero 13 gina commemorate sa amo nga adlaw ang appointment ni Fortich bilang ikatlo nga obispo sang Diocese of Bacolod sang tuig 1967.
Para kay Buenafe isa ka daku nga higayon ang amo nga tion para sa mga taga Negros Occidental bangud ang ginakabig champion of the poor ang nangin simbolo sang paglaum para sa tanan.
January 13, 1967 tubtob January 31, 1989 nagpangalagad bilang obispo sang Bacolod si Fortich.
Nagtaliwan siya sang July 2, 2003 sa edad nga 89.
Ang Fortich Hall gin-construct sang 1984 sa idalom sadto ni Fr Greg Patiño ang una nga parish priest sang Bata.
Ang renovated hall ang gin bless ni Fr Patiño.
Gin-launch ang mga libro nga vir Fortis nga buot silingon man of strength and courage. Ini ang gin-author nanday Fr Dimitri Gatia, Msgr Rufino “Toto” Suplido, kag ni anay Msgr Victorino Rivas kag Fr Romeo Empestan.
Ang A Shepherd’s Journey naman compilation sang mga mensahe, sulat, mga article nga gin conribute sang mga persona gikan sa nag kalain-lain nga background kasunod sang pag taliwan sang obispo.