Barangay Tangub MassKara dancers maga perform sa Cebu kag Hong Kong.
Nakabaton ang siudad sang Bacolod sang opisyal nga imbitasyon gikan sa Cebu City para mag-perform sa Sinulog Festival 2026.
Ang amo nga imbitasyon naghalin mismo sa Festival Director sang Sinulog, kag kabahin sini ang ₱1.5 million nga subsidy nga igahatag sang Cebu City LGU bilang suporta sa mga kinahanglanon sang mga MassKara dancers nga ipadala sang Bacolod.
Suno kay Atty. Marty Go, ang Secretary to the Mayor, ang Barangay Tangub MassKara dancers ang ginpili nga magtiglawas sa siudad, bangud sila ang nangin kampyon sa Street Dance kag Arena Competition sang nagligad nga MassKara Festival.
Suno kay Go nga Enero 16 magabiyahe ang delegasyon padulong Cebu, kaupod ang mga dancers, propsmen, kag pila ka miyembro sang Barangay Council.
Gin-dugang pa ni Go nga may lain pa gid nga imbistasyon ang siudad sang Bacolod para mag-perform sa Hong Kong sa Pebrero 15 tubtob 20 sa sini nga tuig.