Dingding sang isa ka banyo sa Carlos Hilado Memorial State Universty himo sa mga natipon nga plastic bottles sa unibersidad.
Ang kuntani basura na nga mga plastic bottles sang mga ilimnon ang nangin solusyon pa para mahimuan ang dingding sang isa ka banyo sa CHMSU sa Talisay City nga campus.
Ini ang gina tawag nga enviro-blocks. Ginpang tangkas-tangkas nga mga plastic bottles nga may unod man nga mga plastics ang nag serbe nga hallow blocks para sa dingding.
Gikan ini sa materials recovery facility ukon MRF sang unibersidad. Gina tipon nila ang mga plastic bottles kag ginahimo sang mga mapuslanon nga mga bagay kaangay sang enviro-blocks.
Pormal ini nga ginlunsar sang kahapon bilang kabahin sang 4th University Foundation Week sang CHMSU.
Suno sa kay Engr. Rey Ramos, ang extension coordinator sa College of Engineering, pinaagi sa sini nga proyekto nalikawan nga makalab-ot sa mga drainage kag sa mga baybay kag nagdugang pa sa nagalala nga problema sa basura ang ini nga mga plastic bottles.
Sa seremonya, ang mga opisyal sang university kag city officials sang Talisay ang nagtambong kag nag pakita man sang ila commitment pinaagi sa pagbutang sang plastic bottles sa nagakadapat nga bulutangan sini.
[sibwp_form id=1]